크레딧
실연 아티스트
عواد العواد
실연자
작곡 및 작사
عواد العواد
작곡가
فيصل صالح العزيزي
가사
가사
يالله دخيلك من صواديف الايام
ومن وقتنا الي ماعرفنا نظامه
نبني به الاحلام وتعود احطام
ولا بعدها الا حسوف وندامه
قلنا تزين العام والي ورا العام
والخير يبدي له رسوم وعلامه
في دبرة الي بالمقادير علام
نعيش في ظله بعز وكرامه
نساير الايام ونحث الاقدام
واحيان يلحقنا عتاب و ملامه
فيها نشوف اصحاب واغراب واخصام
ولا عاد ندري بين نور وظلامه
الي نشوفه وافي و درع وحزام
يلف ولا دار ما دار عامه
كنا نقول انه سنافي ومقدام
وان جاء النهار الصعب تبرد عضامه
اثره على ماقيل تمثيل و اوهام
تشوف فعله مختلف عن كلامه
دعاية اعلانات قدام الاعلام
كنه متكي فوق عرش الزعامه
والي كذا لاصان رفقه ولا دام
يقفي مع المقفين ومع السلامه
Written by: عواد العواد, فيصل صالح العزيزي
