N3ich we net3allem

في الدنيا نعيش ونتعلّم

وجعي دخلاني نتأّلم

وانا عل حڨي نتكلّم

مانسلم فيه

من بعد الليل الي يضلّم

نعيشوا والفجر يعلّم

نوقف ونطيح ومانسلّم

جرحي مخبيّه

متوجع والدمع نداري

مابين البايع والشاري

عالصبر وكتمان اسراري

الڨلب مربيه

ونفسي عزيزة مربّيها

معلمّها دروس مقرّيها

الذل ورخصه خاطيها

مانعيشو فيه

من الدنيا يامه تعلّمنا

ذڨنا المرّار وتظلمنا

والدرس قرينا وفهمنا

وأنا عايش بيه

وأنا عايش بدروسك ليا

وبالشي الي صار عليا

و الي بكّاهام عينيّا

غدوه نبكّيه

و النّاس المايبانش فيهم

أنا الي بكيفي معدّيهم

خلّيه الوقت يورّيهم

الي معدّيه