لاهب الكنه

وربي اني تعبت وخاطري كنه

كنه طريق الملك لارحت للقرعا

الخط مصكوك والمستعجل اتحنه

الي يبي لازمه ولي معه صرعا

تقول زحمة حجيجٍ تطلب الجنه

ولا جرادٍ محيّر له على مرعا

ياصدري ياللي يبا الدنيا على ضنه

ملا يراعيك لاتوي ولا ترعا

الله ولا مدةٍ يلحق بها منه

لاوفقتني على شيمه ولا شرعا

التحليه كلها ماتملي الشنه

والنهر مهما جرا مانبّت الزرعا

مايبرد كبودنا في لاهب الكنه

الى حلالٍ زلالٍ وجادلٍ فرعا