موال روحي

روحي مربوطة وية روحك

وانت يا نبض الدليل

وآني اموت على الخليل اليوفي

دومه وية الخليل

حمل الخفيف عليك

وخل عليّ حمل الثگيل

وماوفي شما انطيلك عيني

عيني من انطيها ليك

وماوفيلك يا خويه

انت يالطبعك حنين

انا موش بس صاحب عندك

انت مثل امي وابوي

يالروحك مربوطة بروحي

يلي بالشريان تمشي

وگلبي اليوزع الدمه

الصاحب المثلك نحبه

بگد نجم هاي السما

عيوني لو شافت بدالك

كون تنصاب بعمى