ផាហ៊ុមកម្មកវី

ផាហ៊ុមកម្មអើយឱបហើយ ដណ្ដប់

ឥតព្រួយស្កៀបស្កប់ អផ្សុករងា

គេលួចផាហ៊ុម ឱ្យខ្ញុំកំព្រា

នេះជាវេរា បាញ់សត្វអើយព្រាត់គូ

ផាហ៊ុមទឹកភ្នែកហែកទ្រាប់ ផ្កាស្លា

ក្រោយថ្ងៃរៀបការ ដណ្ដប់ទទូរ

រសជាតិផ្អែមឆ្ងាញ់ មិនដែលចត់ជូរ

នូអើយស្រីនូ ផាហ៊ុមទៅណា

ស្រណេះតែធ្លាប់អើយ ដណ្ដប់ពីរនាក់

ទាវតន់វរលក្ខណ៍ អប់ផ្កាចំប៉ា

រងាស្រៀវស្រើប រសើបអាត្មា

អូនរាវស្រវា ផាហ៊ុមកវី

ធ្លាប់បើកផាហ៊ុមលើកម៉ុម ត្រកង

មិនដែលដាក់ខ្នង ឱ្យប្រឡាក់ដី

រងាញ័រជើង បងលើកអូនបី

ឥឡូវកវី បាត់ផាហ៊ុមហើយ

ស្រណេះតែធ្លាប់អើយ ដណ្ដប់ពីរនាក់

ទាវតន់វរលក្ខណ៍ អប់ផ្កាចំប៉ា

រងាស្រៀវស្រើប រសើបអាត្មា

អូនរាវស្រវា ផាហ៊ុមកវី

ធ្លាប់បើកផាហ៊ុមលើកម៉ុម ត្រកង

មិនដែលដាក់ខ្នង ឱ្យប្រឡាក់ដី

រងាញ័រជើង បងលើកអូនបី

ឥឡូវកវី បាត់ផាហ៊ុមហើយ