Bälpmoos (MTV Unplugged)

I stah jede Tag da usse, gseh die Flüger cho und gah

I häbe d'Nase i di chauti Morgeluft, wo nach Tribstoff schmöckt

U dr Näbu chläbt über dr Startbahn, u uf dr Startbahn hocke Möwe

U ds Fäud isch wiss vom Riif

U i gseh uus wie ne Pilot i mire bruune Bomberjagge, u em wisse Sideschau

I weiss es haargenau, i ha die Type lang gnue studiert

Scho als chliine Gieu bini Samschti für Samschti geng da usse gsi

U ha Modäuflugzüg i Himmu ufe gschickt

I has scho denn gwüsst, igendeinisch gahn i o

Bälpmoos, Bälpmoos

Spick mi furt vo hie, spick mi furt vo hie

Bälpmoos, Bälpmoos

Mir ischs gliich wenn u wie

Es fahrt e schwarzi Limousine vor, u e gschalete Chauffeur

Schleppt Koffere u schwäri Täsche umenang

U ne riichi, runzlegi Sou im Pelz stigt gstabig uus

Ja weisch was, dene ghört d'Wäut, dene ghört d'Wäut, dene ghört d'Wäut

Bälpmoos, Bälpmoos

Spick mi furt vo hie, spick mi furt vo hie

Bälpmoos, Bälpmoos

Mir ischs gliich wenn u wie

Wenn i die Chance hätt u ds Gäut, i gieng a ds Kap der guten Hoffnung

I ha ir Schwizer Illustrierte einisch Biuder gseh

U när chäm i nie meh zrügg, hätt e Insle u ne Frou

U aues woni miech, würdi mache wüu is wott

U nid wüu’s angeri wei, ersch rächt nid wüu i müesst, oh

Bälpmoos, Bälpmoos

Spick mi furt vo hie, spick mi furt vo hie

Bälpmoos, Bälpmoos

Spick mi furt, spick mi furt, spick mi furt vo hie

Bälpmoos, Bälpmoos

Mir isch's schisse gliich wenn u wie, nume gli, nume gli, nume müglechscht gli