ហេតុតែកម្មបង

សួនស្នេហ៍រៀមថែតាំងពីយូរមក

ស្រោចទឹកនឹកភ្នក ថាបានឃើញពន្លកផ្កា

ឥឡូវរៀមបងបានយល់ដូចចិន្តា

ចិត្តអឺយប្រាថ្នា យកផ្កាមកកៀកកើយ

ផ្កានៅក្រពុំរម្យទមរាក់ទាក់

អួលណែនសែនស្ម័គ្រ

ជំពាក់ចិត្តឥតកន្តើយ

បានឃើញផ្កាឱរ៉ារៀមបានធូរស្បើយ

តែអនិច្ចារកម្មអឺយ ឱ្យខ្ញុំអស់សង្ឃឹម

ព្យុះកម្ម នាំឱ្យព្រាត់ស្រី

ខ្វល់ហរទ័យ គ្មានអ្វីនឹងប្រៀបផ្ទឹម

ឮតែសូរផ្គរ ខ្ទរខ្ទារគ្រហឹម

ឱ្យអស់សង្ឃឹមខ្ញុំនឹងជីវ៉ា

បើលេប វាស្លាក់ បើខ្ជាក់ វាស្លែង

ឱរ៉ាចំបែង កណ្តោចកណ្តែងឯកា

សមុទ្រកម្មខ្ញុំទ្រាំចាំទាំងខ្លោចផ្សា

តើដល់ទៅថ្ងៃណា

ទើបខ្ញុំផុតទុក្ខអឺយ

បើលេប វាស្លាក់ បើខ្ជាក់ វាស្លែង

ឱរ៉ាចំបែង កណ្តោចកណ្តែងឯកា

សមុទ្រកម្មខ្ញុំទ្រាំចាំទាំងខ្លោចផ្សា

តើដល់ទៅថ្ងៃណា

ទើបខ្ញុំផុតទុក្ខអើយ