מזמור לתודה

מִזְמוֹר לְתוֹדָה:    

 הָרִיעוּ לַיהוָה, כָּל-הָאָרֶץ.

 עִבְדוּ אֶת-יְהוָה בְּשִׂמְחָה; 

 בֹּאוּ לְפָנָיו, בִּרְנָנָה.

 דְּעוּ כִּי יְהוָה, הוּא אֱלֹקים:

 הוּא-עָשָׂנוּ, ולא (וְלוֹ) אֲנַחְנוּ, עַמּוֹ, וְצֹאן מַרְעִיתו

 בֹּאוּ שְׁעָרָיו, בְּתוֹדָה, חֲצֵרֹתָיו  בִּתְהִלָּה;   

 הוֹדוּ-לוֹ, בָּרְכוּ שְׁמוֹ.

 כִּי-טוֹב יְהוָה, לְעוֹלָם חַסְדּוֹ;   

 וְעַד-דֹּר וָדֹר, אֱמוּנָתוֹ.