កុំមកប្រូ (កន្រ្ទឹមចូលឆ្នាំខ្មែរ)

(ប្រុស)

អូនហ្អើយបងសូមពឹងមួយ

អូនហ្អើយសូមជួយមើលទូរស័ព្ទបង

មិនដឹងខូចត្រង់កន្លែងណា

ឬក៏អត់សេវាគ្មានអ្នកchatម្នាក់ផង

រំខានអូនសាកchatមើល៍

ក្រែងលវាស្គាល់Account នួនល្អង

កុំសរសេរឬដាក់មេដៃ

តែសូមឱ្យស្រីchatរូបបេះដូង

(ស្រី)

ទូរស័ព្ទខូចមិនយកទៅធ្វើ

ថីនុងខ្ញុំនេះមិនមែនជាជាងផង

ឱ្យខ្ញុំchatទៅធ្វើអ្វី

តើសាច់ការអីត្រូវchatទៅបង

គ្រាន់តែចេញក្រឡាមកខ្ញុំដឹង

មិនបាច់ប្រឹងល្មមដូរstyleថ្មីប្រើម្តង

ឮហើយដូចជាចង់កើតខ្យល់

ស្តាប់សម្តីប្រុសព្រានមានអារម្មណ៍ធីងធោង

(ប្រុស)

អូនហ្ហើយៗ នែ!បើអូនបានបង

មើលថែអូនដល់សក់ចេញស្កូវ

បងនឹងស្រឡាញ់ពៅដល់ចាស់កោងខ្នង

(ស្រី)

ជិនឫកណាស់ស្តាប់ពាក្យសម្តីបង

ហត់អត់នឹងពេលនិយាយម្តងៗ

បងអើយបងអូនអាណិតណាស់

(ប្រុសRap)

ខែគេហៅថាព្រះចន្ទ ថ្ងៃគេហៅថាព្រះអាទិត្យ

តែបើអូននៅជិតបងនឹងហៅអូនថាព្រះនាង

ពេលអូនចូលគេងបងបំពេរនូវចម្រៀង

មិនឱ្យអូនព្រួយបងមិនអូនថប់

ធម្មតាទេបងប្រុសល្អគ្រប់ដប់

បើសិនជាអូនបានបងលេខ1 on the top

បេះដូងអូនទុកឱ្យបងអ្នកមើលថែដឹងតែឡូយកប់

Rap2

ធម្មតាទេបងជាកំលោះប្រុសស្មោះ

រឿងក្បត់សាវាបងមិនដែលធ្លាប់សោះ

ស៊ូឱ្យគេបោកតែមិនដែលបោកគេ

ចង់បានប៉ុនណាឬចង់បានយ៉ាងម៉េចទៀត

ប្រុសល្អដូចបងមិនដែលចេះយកប្រៀប

សុំស្រឡាញ់តាមត្រង់ធ្វើអីក៏មានរបៀប

បេះដូងបងស្មោះ បើអូនមិនជឿទេម៉េចមិនយកដៃស្ទាប

(ស្រី)

អូយ…ទៀតហើយៗៗ ចាបយំចេបៗ

និយាយមកកុហកស្រស់ៗពេក

មាត់អូនចង់ពេបជ្រេញពាក្យបងណាស់

មុខនឹងស្មោះបានប៉ុន្មានខ្យល់

ធ្វើដូចគេមិនស្គាល់

ប្រុសព្រានមុខក្រាស់

ទៅកុហកអ្នកទៅចាស

កុំមកផ្តេសសូមជម្រាបលាចា៎