បុណ្យបងមិនល្អ

ភ្ជុំបិណ្ឌឆ្នាំមុន បងនឹងអូន នៅជាសង្សារ

មានក្រមិនថា សង្សារអើយ យើងមិនចោលគ្នា

ស្នេហ៍បានត្រឹមស្នេហ៍ ចិត្តអូនប្រែ តាមកាលវេលា

ឆ្នាំនេះពុំងារ អូនក្លាយជា សង្សារគេហើយ

យំអង្វរមេឃ កុំភ្លៀងពេក អាណិតខ្ញុំផង

អង្វរនួនល្អង រាប់ពាន់ដង តែអូនមិនឆ្លើយ

ស្រឡាញ់តែមាត់ រឿងជូរចត់ អូនភ្លេចអស់ហើយ

អូនឆ្លងដល់ត្រើយ ទុកបងចោល កណ្ដាលទន្លេ

រង់ចាំទឹកភ្លៀង ប្រសើរជាង បងរង់ចាំស្រី

ពុះទ្រូងជាបី ក៏រូបស្រី មិនស្រណោះទេ

ដាច់ចិត្តម្ល៉េះអូន ស្ងួនអើយស្ងួន ស្មានមិនដល់ទេ

អូននៅក្បែរគេ បងត្រឹមជា ឆ្អឹងទទឹងក

ឱសែនស្រណោះ គ្រាដែលយើង ធ្វើបុណ្យជុំគ្នា

នឹកពេលវេលា ដែលយើងបាន សាងរឿងល្អៗ

ទោះអូនអស់ស្នេហ៍ តែរូបបង នៅស្មោះបន្ត

បុណ្យបងមិនល្អ ស្មោះប៉ុណ្ណា ក៏គេទៅចោល

រង់ចាំទឹកភ្លៀង ប្រសើរជាង បងរង់ចាំស្រី

ពុះទ្រូងជាបី ក៏រូបស្រី មិនស្រណោះទេ

ដាច់ចិត្តម្ល៉េះអូន ស្ងួនអើយស្ងួន ស្មានមិនដល់ទេ

អូននៅក្បែរគេ បងត្រឹមជា ឆ្អឹងទទឹងក

ឱសែនស្រណោះ គ្រាដែលយើង ធ្វើបុណ្យជុំគ្នា

នឹកពេលវេលា ដែលយើងបាន សាងរឿងល្អៗ

ទោះអូនអស់ស្នេហ៍ តែរូបបង នៅស្មោះបន្ត

បុណ្យបងមិនល្អ ស្មោះប៉ុណ្ណា ក៏គេទៅចោល