ស្នេហាដូចស្រមោល

បងនៅស្នេហ៍អូន គ្រប់ពេលវេលា

តែអូនយល់ថា បងឆ្ងាយពីស្រី

Ha... ha... ha

Ha... ha... ha

ទោះបីបងឱ្យ ស្នេហ៍មកអូនពិត

ប៉ុន្តែដួងចិត្ត មិនសមបំណង

Ha... ha... ha

Ha... ha... ha

ពេលមុនស្នេហាផ្អែមណាស់

ផ្អែមដូចជាទឹកឃ្មុំ

ពេលបានភ្លក់ហើយទើបមុំ

ស្គាល់ជាតិទឹកឃ្មុំ ផ្អែមហើយល្វីងផង

ពេលខ្លះស្នេហា

នៅក្បែរអូនគឺរូបបង

ក្រោយមកក្តីស្នេហាបង

នៅជិតនួនល្អងដូចស្រមោល

អូនចាំថាបងជាគូគាប់ស្រី

សូមតែប្រុសថ្លៃកុំបោកចិត្តស្នេហ៍

Ha... ha... ha

Ha... ha... ha

ពាក្យសច្ចាស្នេហ៍ មិនទាន់ឃើញពិត

ព្រោះកែវវមិត្រ កំពុងបោកស្នេហ៍

Ha... ha... ha

Ha... ha... ha

ក្តីស្នេហ៍ក្នុងលោក

ដូចដុំពពកប៉ះនឹងផ្សែង

ប៉ះហើយរលាយបាត់ផ្សែង

ហោះកាត់សូរ្យសែង រលាយបាត់ខ្លួន

ពីថ្ងៃនេះទៅអូនឈប់នឹកនា

រកប្រុសស្ងួន

ព្រោះបងឱ្យស្នេហាអូន

រលាយបាត់សូន្យដូចស្រមោល