شوف قلبي

‎شوف قلبي يا حبيبي وروحي كم متعلقه فيك

‎ شفني صاير مثل ارضٍ مالها بد من سماك

‎فيني احساس ومشاعر كلها تجزم تبيك

‎ يالي ايامي وسنيني ما حلت الا معاك

‎ساكنٍ قلبي وعيني فدوه لك عمري وسنيني

‎ شوف اسمك وسط قلبي ينبض بنسمة هواك

‎خذني كلي احتويني وخذ معك فايض حنيني

‎ واطلب وآمر تدلل لو بغيت العمر جاك

‎انت لي ماضي وحاضر مالك بقلبي شريك

‎ انت لي فرح ومسره وشوق يشهق من غلاك

‎شف خفوقي الي سكنته ميتٍ فيك وعليك

‎ يالغلا كلي حلالك وكل ما فيني فداك

‎والله ابغيك وتبيني واسقني عشق وارتويني

‎ بسلكك درب ومحبه حتى لو دربك هلاك

‎يا شعورٍ يرتجيني حس في قلبي وفيني

‎ هذا لو يطلب خفوقي قلت تم لبيه هاك