Stilli Stadt

D'sunne schiint ufs graffiti ade alte lokfabrik

Das graffiti bröcklet ab vode wand als wärs es mosaik

Ufem platz nebeddra 114 ahornbäum

Jede für sich, d'blätter lah und drum kahl, verlore und betäubt

Jede tag wie sunntig morge

Und de kater laht nöd nah

Die ganzi stadt isch still

So gspängstig still

Ghöre nüt, vakuumiert, isoliert

Bruch e stimm, wo die stilli durdringt

Wieso staht die stadt still?

So gspängstig still

Schenk dere stadt doch e stimm

Dass sie bald wieder singt und die last vo mir nimmt

Die ganzi stadt isch still

Strassesalz, iisig chalt zieht de wind dur die geisterstadt

Yeah de gold rush verbi und wer bliibt ja de riegelt d'fenster ab

Sie gönd so schnell vergesse d'abig-spat-summertreffe

Jede huscht verbi, het kei ziit, so selte gsehsch es lächle

Ich versink i mir drin will ich nöd usefind

Yeah jede tag wie sunntig morge

Und de kater laht nöd nah

Die ganzi stadt isch still

So gspängstig still

Ghöre nüt, vakuumiert, isoliert

Bruch e stimm, wo die stilli durdringt

Wieso staht die stadt still?

So gspängstig still

Schenk dere stadt doch e stimm

Dass sie bald wieder singt und die last vo mir nimmt

Die ganzi stadt isch still

Hey moment mal

Isch das nöd es schneeglöckli det

Wo usem bode luegt

Und vielliecht de früehlig mit sich bringt?

Die ganzi stadt isch still

So gspängstig still

Ghöre nüt, vakuumiert, isoliert

Bruch e stimm, wo die stilli durdringt

Wieso staht die stadt still?

So gspängstig still

Schenk dere stadt doch e stimm

Dass sie bald wieder singt und die last vo mir nimmt

Die ganzi stadt isch still

So gspängstig still