وين أروح

ياقلب انا في رجا الله لاتفيق الجروح

يكفيني امن الزمان الصعب ماصابني

ازريت ياقلب لا شكي لك ولااقدر ابوح

والدمع ياعين مافادك ولافادني

لا من توَّحيت طارِّيه وزوله انوح

ويلاحي النوح ورقاً عيّت تعافني

كني عقب ماتفارقنا جسد دون روح

لو كان مات الامل عنده فــ انا عادني

لين الليالي خذت حقي وصدري يفوح

الله يلوم الذي في الوضع ذا لامني

سريت ليل العنا كله وبرقه يلوح

والشوق صوب الليالي المونسه شاقني

عن ماجرا لي من الايام ياوين اروح

والحظ ضدي وقف والصبر ماعاضني

دام الهوى فــ البدايه ضحك والا مزوح

تلقى النهايه مثل ماصابك وصابني