Muscià

Muscia’

Tuppi tuppi, tricche e tra’

Tuppi tuppi, tricche e tra’

Muscia’, cumma’!

tanti li cosi ca v’aju a purta’

nesciu di casa ppi dari ‘na cosa

ma mentri vi viju vi l’aju a cunta’

tini’ tini’ - muscia’

tini’ tini’ - muscia’

Cumma’, vini cca!

Sinti’ li cosi ca v’aju a cunta’

l’autra sira vanedda vanedda

vitti la figghia d’a puddicinedda

ca si vidiva cu ‘n beddu carusu

fiugghiu i famigghia vastasu e fumusu

Chi di’ , chi di’ cumma’?!

S’iddu ‘n parrati m’haju a cunfissa’

Cumma’, cumma’

fici ‘n riccamu ca e’ na belta’

mentri trasiva e nisciva li fila

l’ugghia pirdivu ‘n la pozzu truva’

Ppi carita’! Portu du ugghi ca m’a t’ha paga’

mentri ca vigni vi purtu nu ‘nzignu

cu tuttu lu ‘mpignu , n’aviti a sciata’!

Bhi, cumma’!

Fora filini filannu

facennu e scunzannu tilara e tila’

mali, mali mali linghi,

ruvina famigghi e figghiuzzi ‘i mama’.

Tuppi tuppi, tricche e tra’

Tuppi tuppi, tricche e tra’...