សត្វក្នុងកន្រ្តក

I.រៀនភ្លេចគេបណ្តើរៗទៅ រៀនហៅខ្លួនឯងពីមុនមកវិញ ប្រមូលរឿងល្អខ្ចប់មួយបង្វេចដើរចេញ ទោះបេះដូងនៅស្រឡាញ់ក៏ត្រូវឈប់ជាបន្ទាន់

II.រឿងអីក៏អាចកើតឡើងបានដែរ ឱ្យតែមិនស្គាល់ពាក្យថាគ្រប់គ្រាន់ បេះដូងមនុស្សមិនមែនជាបេះដូងមាន់ កុំបានចិត្តហ៊ានជាន់ ហើយធ្វើគ្រាន់បើតែឯង

R.ល្មមដោះលែងហើយឱ្យបេះដូងមានក្តីសុខ ស្គាល់មួកស្គាល់ម្កុដ កុំទ្រាំនៅរស់ត្រាំត្រែង បងក្រឡាលើ អូនក៏មិនភ្លើនៅក្រែង បើបងពូកែសម្តែង អូនក៏សម្តែងបានដូចគ្នា

III.មនុស្សខ្ញុំមិនចេះយំស្តាយប្រុសក្បត់ មិនយំឱ្យហត់នាំតែឱ្យភ្នែកវេទនា ស្រឡាញ់ប៉ុនណា ស្អប់វិញប៉ុណ្ណឹងដូចគ្នា កុំបានចិត្តទុកអូនជា សត្វក្នុងកន្ត្រកចិញ្ចឹម