Vaishnav Jan To

વૈષ્ણવ જન તો તેને રે કહીયે, જે પીડ પરાઈ જાણે રે

વૈષ્ણવ જન તો તેને રે કહીયે, જે પીડ પરાઈ જાણે રે

પરદુઃખે ઉપકાર કરે તોયે મન અભિમાન ન આણે રે

વૈષ્ણવ જન તો તેને રે કહીયે

સકળ લોકમાં સહુને વંદે, નિંદા ન કરે કેની રે

વાચ કાછ મન નિશ્ચળ રાખે

વાચ કાછ મન નિશ્ચળ રાખે, ધન ધન જનની તેની રે

વૈષ્ણવ જન તો તેને રે કહીયે

સમદ્રષ્ટિને તૃષ્ણા ત્યાગી, પરસ્ત્રી જેને માત રે

જિહ્વા થકી અસત્ય ન બોલે

જિહ્વા થકી અસત્ય ન બોલે, પરધન નવ ઝાલે હાથ રે

વૈષ્ણવ જન તો તેને રે કહીયે

મોહ માયા વ્યાપે નહિ જેને, દ્રઢ વૈરાગ્ય જેના મનમાં રે

રામનામ શું તાળી રે લાગી

રામનામ શું તાળી રે લાગી, સકળ તિરથ તેના તનમાં રે

વૈષ્ણવ જન તો તેને રે કહીયે

વણલોભી ને કપટ રહિત છે, કામ ક્રોધ નિવાર્યા રે

ભણે નરસૈયો તેનું દર્શન કરતા

ભણે નરસૈયો તેનું દર્શન કરતા, કુળ ૭૧ તાર્યા રે

વૈષ્ણવ જન તો તેને રે કહીયે, જે પીડ પરાઈ જાણે રે

વૈષ્ણવ જન તો, વૈષ્ણવ જન તો

વૈષ્ણવ જન તો તેને રે કહીયે