Chüelschrank

Ihren Chüelschrank stoht siit drü Wuchä Immer wieder offä, immer wieder offä Und s'griechische Joghurt isch jetzt glaubs Endli abgloffä, endli abgloffä Und idä Tür immer no Prosecco Vo letschtem Silvester, vo letschtem Silvester Aber weder ihre no ihm Isch do würkli noch festä, isch do würkli noch festä Und plötzlich seit sie Bitte luäg ämol mis Ablaufdatum a I glaub es stoht under minä Schuä Villicht läsischs mol in Ruä I weiss öpis chüblä isch schwer Doch es vergammlet wenn mir so tuänd als öb nüt wär Und wenns nöd findsch under minä Schuä Stohts villicht i mim Gsicht, doch sie seit nüt däzuä Uf ihrem Chüelschrank hets so einzelni Wörter Und diä sind magnetisch, und diä sind magnetisch Mengmol schriebt sie ihm ä Nochricht und hofft das er's gseht Aber er gseht nix, aber er gseht nix Es sind au so wirri Sätz well ihrä fähled d'Wörter Zum srichtig chönä schribä, zum srichtig chönä schribä Zum Bispiel jetzt stoht döt Der Frühling fressen die Liebe, fressen die Liebe Und plötzlich seit sie Bitte luäg ämol mis Ablaufdatum a I glaub es stoht under minä Schuä Villicht läsischs mol in Ruä I weiss öbis chüblä isch schwer Doch es vergammlet wenn mir so tuänd als öb nüt wär Und wenns nöd findsch under minä Schuä Stohts villicht i mim Gsicht, doch sie seit nüt däzuä