رعشة قلب

يا رعشة قلب ياخفقة روح

يا فرح الدني ولحظة بوح

يا حب كبير لم الحنين

يا نور العين يا فرح السنين

يا وعد بضحكات هربانه

من وجع وهموم غفيانة

 يا بحة النايات بدروب الصمت

 يا زينة النجمات وتكات الوقت

*

يا بسمة عمر يا فرحة سهر

يا عشق بيشبه زخات المطر

يا قمر غافي بلوعات الصبر

يا فرح أيام بسنين القهر

يا وعد بضحكات هربانه

من وجع وهموم غفيانة

 يا بحة النايات بدروب الصمت

 يا زينة النجمات وتكات الوقت