من الاد النفاعي عزوةٍ يفرح بها المقهور

الا يا الله بعلم مايروح ليا هباً منثور

يجملني ليا جات الوجوب وقلت انا داري

يا مندوب الهجوس اطلع بنا مع خطك الماثور

زالن الوضع ساخن رحت مثل السارح الساري

بلب الدعوه اللي جات من فيصل ولد مستور

رفيقٍ لي طلبني للمهمّه والطّلب ناري

يا مطلوب الرجال اللي بدالي مثل مبدا النور

لزوم اواجهك لا دورو لك ما لقو غاري

ما دام الراس تشعاه الحميّا والدمي تفور

انا لو اتعذّر من رفيقي ما كثر خاري

هلا حياكم الله يا ضيوف الحفل والجمهور

هلا عند الكريم اللي لمطلاع العلا ضاري

هذا فيصل طويل الباع من ربعن لهم دستور

مذاخير الرجال اللي عسى يرحمهم الباري

ما ضراهم سليم العود الأول بالعمي والعور

رحمك الله عودن تتعب الكتّاب والقاري

سليم مفرّجي من ربعنا حمّاية المظهور

ليا سمعو به الاجناب قالو حيّ هالطاري

من الاد النفاعي عزوةٍ يفرح بها المقهور

منزحة الرجال عن الحدود ليا جرى الجاري