Создатели
ИСПОЛНИТЕЛИ
مسلط الجبلي
Исполнитель
МУЗЫКА И СЛОВА
معدي الثبيتي
Тексты песен
تراث
Композитор
Слова
لاتكثر عليّ اللوم يامحمد بن ذعار
تخبر السوالف كلهااا منت غاويهاا
انا كن في صدري من الهم شعلة نار
وروحي لك الله صابهاا اللي يكفيها
ماغير اتصبر واتصدد عن الانظار
ولاودي ان بعض السوالف تطريها
هذا مر ثاني عيد وانا غريب الدار
لحق عيد الاضحى الفطر والله يعديها
رماني زمانن يحسب ان الكبار صغار
وخلاّ الليالي مرها مثل حاليهااا
وش اللي حذفني شرق يم الخبر ويسار
ديارن مانيب الها ولاني براعيهااا
عتيبيٍ اعشق نجد لوان هواها حار
ولوه بكيفي ماقبلت العوض فيهااا
هذي ديرة الناقه واصل كل وضحا خيار
اساسٍ منه معظم هل البل نبدويهاا
عطينا مهرها يوم الايام ثار بثاااار
علومن يخبرون القبايل خوافيهااا
وانا شف بالي لا انفهق معظم النهار
وانا قد تعديت الرياض وضواحيها
ابا شوف عودن يامحمد طويل اشبار
عساني فدا رجله وفدوة مواطيهااا
ابوي اللي اسمه زادني حشمه ووقار
يومن الرجال تعد دايم باساميهاااا
مسميني معدي وانا ماعلي غبار
على دربه رجوم المراجل معديهاا
وابا شوف طخمن من بعضها بعض يغار
تسابق علي لاجيت والشوق حاديها
سهاف البكار اللي لها فالصدر مقدار
شلع حبها قلبي ولاني مخليهاا
ليا بطيت عنها ضاق صدري ونومي طار
ولا يستريح البال لين اني اجيهااا
لكن النصيب يصيب والصبر مهما صار
ولابدا بقعا تضحك لنا لياليهااا
Written by: تراث, معدي الثبيتي
