Bluemen e de Hoor

Sommer 68 es brommet ede Stadt

Sii chond ofne Stross zwösched Mönsche met Plakat

Rondome werd skandiert för Liebi gäge Chrieg do macht sii mit

Sommer 69 sii marschiert för ehres Rächt

Bis zum Bundesplatz de Herre dinne wird's scho schlächt

Sii schicked d'Polizei die rüefed gönd doch hei aber sii bliibt

D'Polizischte trenned sii vo den andere Lüüt

Schlagstöck Uniforme die möched ihre nüd

Ond wo sii säged du Hippie was wotsch du gägen üs seit sii

Ech kämpf mit Bluemen e de Hoor

Seng met Frönde luut im Chor

Ond wenn mängisch öpper lacht

Ech mach wiiter Tag ond Nacht

Goh för's Gueten of die Stross

Sommer 75 osserorts in Kaiseraugst

Sii gseht Hüehner Söili Aktivischte e de Tagesschou

Stohd uf ond öberleid kei Sekonde denn sii weiss do brucht's mi ou

Au wenn's schneie wörd im Winter sii wär vorne mit debii

Für Grächtigkeit und Fride do stoht sii immer ii

Wenn jede öppis macht esch scho vöu gschafft seit sii und singt debii

Ech kämpf mit Bluemen e de Hoor

Seng met Frönde luut im Chor

Ond wenn mängisch öpper lacht

Ech mach wiiter Tag ond Nacht

Ech kämpf mit Bluemen e de Hoor

Seng met Frönde luut im Chor

Ond wenn mängisch öpper lacht

Ech mach wiiter Tag ond Nacht

Goh för's Gueten of die Stross

Ech ha sii weder gseh em Sommer noch so vöune Johr

Scho es betzli grau aber no met Bluemen e de Hoor

Louft mit de Junge mit wöus so vöu zmache ged do singt sii mit

Ond wenn sii ergendwenn nömm cha

Kämpfed wiiter Mönsche do - ou för dech

Mer hend au Bluemen e de Hoor

Mer hend au Frönde ond e Chor

Träged Liebi e üs inn

Gänd em Friden üsi Stimm

Gloubed das es guet werd cho

Mer hend au Bluemen e de Hoor

Mer hend au Frönde ond e Chor

Träged Liebi e üs inn

Gänd em Friden üsi Stimm

Gloubed das es guet werd cho