Мен сенден кетейинчи

Бак тиктик, дарактар да куурап калды

Тамыры сууга жетпей кургап калды

Үйрүлүп мээримиңди төксөң дагы

Көңүлүм жакшы сөзгө суусап калды

Мен сенден кетейинчи, кетейинчи

Жаныңда өзүмдү-өзүм жебейинчи

Бактымды бир өзүңө байлаганча

Кыдырып дербиш болуп кетейинчи

Мен сенден кетким келди, кетейинчи

Баарын ал, каалаганың берейинчи

Бүт өмүр бир өзүңө байланганча

Кыдырып дүйнө кезип кетейинчи

Көңүлгө бир муздактык уюп алды

Сезимдер өз-өзүнчө тунуп алды

Койнуңа чакырбачы, эркелетпе

Жан дүйнөм сенден качып туруп алды

Мен сенден кетейинчи, кетейинчи

Жаныңда өзүмдү-өзүм жебейинчи

Бактымды бир өзүңө байлаганча

Кыдырып дербиш болуп кетейинчи

Мен сенден кетким келди, кетейинчи

Баарын ал, каалаганың берейинчи

Бүт өмүр бир өзүңө байланганча

Кыдырып дүйнө кезип кетейинчи

Сөздөрүң мурдагыдай жакпай калды

Бүркөлүп ар бир күнүм муңга айланды

Тумчугам кучагыңда түндөр узун

Өчөшүп таңдар дагы атпай калды

Мен сенден кетейинчи, кетейинчи

Жаныңда өзүмдү-өзүм жебейинчи

Бактымды бир өзүңө байлаганча

Кыдырып дербиш болуп кетейинчи

Мен сенден кетким келди, кетейинчи

Баарын ал, каалаганың берейинчи

Бүт өмүр бир өзүңө байланганча

Кыдырып дербиш болуп кетейинчи

Кыдырып дербиш болуп кетейинчи