رفوف

انا جوا قلبي رفوف

فيها سعادة وخوف

وف كل رف تشوف

حدوتة مركونة ..

انا جوا قلبي رفوف

فيها غنا وحروف

البوم صور محدوف

أسرار ومدفونة ..

فيها كتير أحباب

اللي جرحني وساب

واللي جرحته وغاب

والدمعة فـ عيونه ..

فيها صور لوشوش

راحوا وما رجعوش

فيها كتير ماخانوش

وفيها اللي بيخونوا ..

انا جوا قلبي رفوف

مترتبة بصفوف

رف الحنين ملهوف

لفرحة أكتبها ..

ورف الفراق معروف

كل اللي فيه مألوف

مليان صور لألوف

وتعبت أرتبها ..

فيها كتير أحباب

اللي جرحني وساب

واللي جرحته وغاب

والدمعة فـ عيونه ..

فيها صور لوشوش

راحوا وما رجعوش

فيها كتير ماخانوش

وفيها اللي بيخونوا ..