បាត់ខោ បាត់អាវ

បាត់អាវ បាត់ខោ ចោរលួច អី! ឆ្កែអ៎្ហ!?

បាត់អាវ បាត់ខោ មិនដឹងជាចោរឬឆ្កែ

បើទាន់ប្រហែល សំពងឱ្យវាដាច់យ៉ៃ

ហា! នៅនេះលោកបងឡេវ កុំអាលប្រញាប់ស្លន់ភ័យ

ភ្លេចហើយឬអី លោកគ្រូឡេវល្បីក្អកស្លាប់

បងសូមអង្វរ មេត្តាសុំតែខោមក

បងខ្លាចក្រពត វាហែលមកច្រឹបទៅបាត់

សំពះកោងខ្នង ទោះលោកបងអង្វរដល់ស្លាប់

ក៏វឹកមិនស្តាប់ មិនបាច់សាសព្ទទៀតទេ

សុំវិញមួយចានហើយ លោកបងឡេវ

យើងជាបងប្អូន គួរអូនបំភ្លេចរឿងចាស់

បងរងាណាស់ គួរផ្លាស់ចិត្តទៅប្រុសស្នេហ៍

គ្មានបង គ្មានប្អូន មិនបាច់រាយរាប់ទៀតទេ

ពេលនេះត្រូវតែ សងគំនុំចាស់វិញហើយ ហា!

មាសឆ្អិនពន្លកវឹក អាណិតបងទៅ ឱ្យបងសុំខោអាវវិញមកអូន

អាក្រាតយ៉ាងនេះ សែនខ្មាសអស់ហ្វូងមច្ឆា

សូមអូនមេត្តា បងម្តងមកអូនវឹកអឺយ!

មិនបានៗ ដាច់ខាតខ្ញុំមិនព្រមឱ្យ

ខ្ញុំលាទៅហើយ ហៅញាតិមកមើលលោកបងឯង

លាហើយលោកគ្រូឡេវ

លាហើយលោកគ្រូក្អកស្លាប់ ហា! ហា!