عم الطبيب

عم الطبيب

جنبي الشمال ده بتجيله شكة

من حالي طول الليل بتشكّى

عرى وكشف شاف الهموم

بص بأسف وقاللي قوم

متروحش يابني لطبيب يطبّك

انت علاجك حبيب يحبك

متروحش يابني لطبيب يطبّك

انت علاجك حبيب يحبك

عم الطبيب

جنبي الشمال ده بتجيله شكة

من حالي طول الليل بتشكّى

عرى وكشف شاف الهموم

بص بأسف وقاللي قوم

ما تروحش يابني لطبيب يطبّك

أنت علاجك حبيب يحبك

ما تروحش يابني لطبيب يطبّك

أنت علاجك حبيب يحبك

عم العطّار

اعملي من عندك تحبيشة

أحلّي بيها مرار العيشة

بصّ وسأل فين يوجعك

فَرح وزعل مين يسمعك

أنا قلت بلّوتي في الكتمان

قاللي دواها صحاب جدعان

أنا قلت بلّوتي في الكتمان

قاللي دواها صحاب جدعان

يا لالالي يالالي ياليل

آه يا لالالالي يالالي ياليل

شيخ العرب

آديني مده دايخ مدوّخ

هات الخلاصة أنا وضعي بوّخ

قاللي دواك وبلاش تقاطع

عند العجيب أبو سر باتع

قاللي دواك وبلاش تقاطع

عند العجيب أبو سر باتع

أنا قلت إيه قاللي يا متعوس

كل العلل دواها الفلوس

أنا قلت أيه قاللي يا متعوس

كل العلل دواها الفلوس

يا طول غلبي يا طول توهتي

يا آههَ جديدة على آهتي

دواك لاذذ ونفسي أدوق

لكن عازز ومش في السوق