الطریق الصعب

‎ما بزغ فجرك .. ولا خيّم ظلامك

‎تاهـ دربك من خطاويك العجوله

‎حطّت جروحك على صدري وسامك

‎لين اخذت بـ قصتي دور البطوله

‎ليت مالي " روح " تتنفس غرامك

‎كان ابطلع من حياتك بالسهوله

‎سيدي .. و العذر يتحرى ملامك

‎و آسفي تسبق خطاياي الخجوله

‎كبريائك ما يقلل من مقامك

‎الطريق الصعب يغريني وصوله

‎ما يحببني رضاك ، الا خصامك

‎لا ترد يديك .. عن شيٍ تطوله !

‎من عذوبة صوتك لـ قسوة كلامك

‎قول : كل اللي على بالك تنوله

‎المعاتب .. اصدق انواع اهتمامك

‎و اقسى انواعه هو انك ما تقوله !