บ่กล้าบอกไผ

เกือบขาดใจตาย ลงไปกับหม่อง

เสร็จบักก้องด้อง ย้อนน้องหนีไปกับเขา

ทิ้งอ้ายคนซื่อนั่ง บื้อกับใจเมาเมา

เป็นหยังคนงามจังเจ้า เฮ็ดอ้าย ฮำฮี ฮำฮ้อน

เหยียบใจบักอ้าย ให้ตายจั่งเขียด

ส่างเป็นตาเคียด แท้หนอคนเคยออนซอน

สัญญาหน้าฮ้าน หมอลำถืกเจ้าตัดตอน

ฮักอ้ายเคยเก็บใต้หมอน เจ้าเอาฮักซ้อนเข้ามาทำลาย

เจ้าเฮ็ดจังซี่ ซิบอกไทบ้านจังใด๋

คนถามว่าเจ้าไปไส คือบ่เห็นไปนำกันคือเก่า

บ่ อยากบอกคน ว่าหน้ามนหนีไปกับเขา

เฮ็ดได้แค่เพียงนั่งเศร้า หาหมู่กินเหล้าพอบ่อยากตาย

เกือบขาดใจตายคือปลาค้างโคก

หัวใจหลุดโบก นั่งโศกสิ้นกำลังใจ

ฮักจริงเลยจุก ต้องถูกคนล้อให้อาย

ยามย่างเข้าบ้านบัดใด๋ บ่อยากให้ไผถามข่าวเจ้าเลย

เจ้าเฮ็ดจังซี่ ซิบอกไทบ้านจังใด๋

คนถามว่าเจ้าไปไส คือบ่เห็นไปนำกันคือเก่า

บ่ อยากบอกคน ว่าหน้ามนหนีไปกับเขา

เฮ็ดได้แค่เพียงนั่งเศร้า หาหมู่กินเหล้าพอบ่อยากตาย

เกือบขาดใจตายคือปลาค้างโคก

หัวใจหลุดโบก นั่งโศกสิ้นกำลังใจ

ฮักจริงเลยจุก ต้องถูกคนล้อให้อาย

ยามย่างเข้าบ้านบัดใด๋ บ่อยากให้ไผถามข่าวเจ้าเลย...