Träumer

I war immer scho a Träumer

Und des bin i blieb'n bis heit

Und i glaub ned, dass si des je ändern wird

Wia i jung war, hab i tramt

Dass ma die Welt verändern kann

Mit Gedanken, mit Ideen, mit an Liad

Kurze Zeit hats fast so ausg'schaut

Als ob des gelingen könnt

Wia die Jugend auf die Straß'n gange is

Alles war auf amoi möglich

Und der Horizont war weit

Wir ham glaubt, jetzt kummt des neiche Paradies

Da war All You Need Is Love

Und dann war da Give Peace A Chance

Blowing In The Wind und a Masters Of War

Mit Bob Dylan und die Beatles

Bin i innerlich verreist

Dass des ned auf ewig geht, des war ma klar

Aber trotzdem war i sicher

Dass si alles bessern wird

I war felsenfest vom Fortschritt überzeugt

I war links und progressiv

Für Frieden, gegen die Gewalt

Hab mi immer vor der Menschlichkeit verbeugt

I bin immer no a Träumer

Und drum schreib i jedes Liad

A für die, die so wia i no Träumer san

Aber, dass ma die Gesellschaft

Mit Musik verändern kau

Diese Hoffnung is bei mir heit eher klan

So wia du die Welt veränderst

So verändert sie a di

Des geht langsam und du merkst es ned amoi

Eines Tages stehst vorm Spiagl

Und erkennst di selber ned

Und du denkst da, Sechzig is a runde Zahl

I bin immer no

Immer no

Immer no

A Träumer

I bin immer no

Immer no

A Träumer

Aber ans lasst si verändern

Und des is des Lebensg'fühl

Bei die Einzelnen, die Ohren hob'n zum hör'n

I war immer scho a Träumer

Und i werd a Träumer bleib'n

Und ihr könnt's ma's glaub'n, i bin des wirklich gern

I war immer scho a Träumer

Und i werd a Träumer bleib'n

Und ihr könnt's ma's glaub'n, i bin des wirklich gern