ชีวิตชาวนา 2

โอย... ฟ้าเอยฟ้าฮ้องค้อย เสียงโยนๆดังไกลเป็นหยังเด้

ซังบ่ไปฮ้องใกล้หัวคันไดพอให้น้องได้นอนฮ่ำ

เสียงฟ้าฮ้องตุ่มต้ำ สาวหมอลำคึดฮอดซู้

ได้หลงโอ้..โอ บ่เซา.. โอบ่เซา... อือ... อือ... โอ๋ โอ... โอ๋ละนา...

เอออันนี้ต่อจากนี้ สิได้ลำต่อกลอนสอง

สองผัวเมียทำนาส่อยกัน ละจนแล้ว

พอแต่เสร็จทำแล้ว ตะเว็นก็ค่อยค่ำ

พ่อบักหำขึ้นเถอะเจ้า หลกกล้าไว้แหน่เด้อ

ผัวว่าเอ้อ เมือก่อนสาตี้ ค่อยสิดกคนเดียว แม่อีนางเมือบ้าน

พอจาแล้วเตรียมเอาถ้วยบ่วง หาบกะต่าต่องต้อน

กะทังอุ้มลูกนำ เสียงฟ้าฮ้องตุ้มต้ำฟ่าวย่างมาเฮือน

เสียงฝนมามืดมัวเมาฟ้า นำคันนาคืนเมือบ้าน

เขียดจะนาฮ้องออบแอบ เหลียววอกแวกเบิ่งน้ำสิเป็นคลื่นดังทะเล...

มองมาบ้านเห็นโนนตาลมืดจุ่มกุ่ม

เห็นแต่กอไผ่บ้านล่ายซ้ายใบหุ้มละห่อนำ

ฟ้าวอย่างจ้ำเข้าป่าสอนลอน เสียงวอนวอนเรไรส่งเสียงแมงง่วง

เห็นเป็นพวงตันหน้าหางนกยูงเหลืองอุ่ยหุ่ย

เสียงคนคุยสิเข้าบ้าน เย็นแล้วสิต่าวเมือ

อุ้มลูกเต้าจูงหมู่วัวควาย ฝนตกฮำเร่งไวไวเข้า

ไวไวจ้าวเสียงฮือเชือกฟาด ควายบักเลผ่องตู้

เด็กน้อยละขี่หลัง เสียงมะลึ่งตึ้งตั้งฝนไล่มาทัน

ฝนตกลงเปียกปอนซิ่นเปื้อน

พอถึงเฮือนมือน้าวคันไดงับแงบ คันแม่นวางต่าไว้ สิเตียมสิ้น...

แม่นเปลี่ยนแพร.. แม่นเปลี่ยนแพร... อือ... อือ... โอ๋ โอ... โอ๋ละนา...

อันนี้ ผูกควยแม้ลูกหล้า อย่าสิให้มันหลุด

ผลักประตูตีไร ใส่กลอนให้มันแน่น

แม่สิดังไฟถ้าเอาปลามาต้มป่น

คันพ่อใหญ่ผู้อยู่บ้าน อะฮือฮ้องละผ่องถาม

น้ำบ่ท่วมบ่อีหล้า ไฮ่ใหญ่ก้กสะแบง

ดินบ่แข็งบ้ออีนางไฮ่แคมโพนนั้น

เสียงถามกันเต็มบ้าน กลับจากนามืดพุมพู่

ถึงยามนอนพากันขดขี่ขู้ นอนแล้วกะบ่ตึง

อันจั่งซี้เพิ่นจั่งว่าชาวนา ถึงเวลาสมควรสิต่าวลาเด้อค่า

หวีสิลาเด้อค่า สิขอลาไปก่อน

พวกพ่อเฒ่าแม่ลูกอ่อน หลานสิขอจากแล้ว คุณป้าละพ่องอา

จักหน่อยนี้สิได้ย่างคอมมอม ไปคอมมอมดั่งกะปอมงอยไม้

หลานสิไลเมือบ้าน หนองไหลคำมืดจุ่มกุ่ม

เห็นแต่กอไผ่หุ้มสิเมือบ้าน

แม่นก่อนเด้อ สิลาแล้ว ผู่สู่คน ผู่สุคน อือม์... อือ... โอ๋ โอ... โอ๋ละนา...