Булæмæргъ

Хъæдмæ мæ тагъддæр фæцæуын фæнды.

Зарæг цъиу диссаджы зарæг кæны

Хъæды изæрæй бæласы сæрæй

Булæмæргъ, ма фæтæх дард

Ма фæтæрс, ма фæтæрс, бæласыл бад

Азар мын, цæй, ма тæрс мæнæй

Зæрдæ æнцадæй ныр — хъæлдзæг, æнкъард

Диссаджы зардæй мæ зæрдæ æрцард

Хъусын, лæууын, худын, кæуын

Азар мын, булæмæргъ, цæй

Райдæй та, райдæй та тагъддæр, хъæрæй

Ма уадз дæ зард, ма бад æнцад

Дидинæг, дидинæг, ракал дæ тæф

Диссаджы тæфæй ды дзаг кæн уæлдæф

Рæз мын ды дæр, тæф кæн фылдæр

Хæхтæй фæтулы нæ хур

Азар-ма, азар-ма, цæй, ды, мæ хур

Уæ, цъиу, мæ бон æз ныр кæуон