Lyrics
[Verse 1]
سهران يشرب في كاسو في البار
ممحون يواسي في محانو
فاتو العمر و فاتتو الكار
وما خلص الكريدي في الحانوت
مروَّح ظلمة بالسرقة للدار
خاطر في الحومة مُسال ومديون
وحلات في عينو بنت الجار
اما مشات مع مولا المليون
حارة بيرا وقضية للدار
شهرية مشات بين ركوب وصابون
ناسي الأنثى وناسي يجيب صغار
ولا وينك حبيبي في التليفون
لاكوستيوم ولا باكو نوار
ولا في برد ولاقي حضن سخون
ليل امخّر وفاتتو الكار
حارة بيرا والكمية زيتون
ويحب يغني ويغني ويغني
إيمتى الدنيا تزهالي
الدنيا تحلالي
وعايش بوهالي
يحبوك عايش بوهالي
وعايش بوهالي
يحبوك عايش بوهالي
[Verse 2]
فطور الصباح قهوة كحلة وجارو
وحتى زحمة بالقاري والخدام
وتعدَّت قدامو بنت جارو
يحب يعبِّر مالقاش الِكلام
لا لاقي صرفو ولا دينارو
سعد اللي تكلم وجيبو مليان
مالقاش الكور إلقا فيكو كارو
والموجيرا ركبت في البيام
لا رخصة يمّه ولا باني دارو
يشوف في شعرو شاب مع الأيام
يجري ع الخبزة مالقا مسوارو
رخصة الناس وغلات الاسوام
قاعد فالبار يخمم في زارو
وبنت الجار ما عملتلو شي جام
وحلات السكرة وفاتتو كارو
حارة بيرا والكمية اوهام
ويحب يغني ويغني ويغني
إيمتى الدنيا تزهالي
دنيا تحلالي
وعايش بوهالي
يحبوك عايش بوهالي
وعايش بوهالي
يحبوك عايش بوهالي
[Verse 3]
لا خبر يفرح لا طلع المورال
والشهرية تمشي قبل ما تجي
لا اساماس ولا مساج فوكال
لا وينَك حُبي لا وينِك شيري
وتمشي الايام ويزيد ضاق الحال
وغلات الخبزة اللي عليها يجري
وغابت بنت الجار وغيابها طال
رجعت براجل و زوز ذراري
غزال وشارد ضايع في الأدغال
وضبع يحوِّم على لْحم طري
والقلوب ولَّت كيما الصلصال
مرة تكساح ومرة تسوفري
ورخص ابن آدم وطاح الدينار
تبَّع كي البقرة اضحك كي الفاش كيري
وكيف العادة فاتتو الكار
سكّر البار وقالولو بون نوي
ويحب يغني ويغني ويغني
إيمتى الدنيا تزهالي
الدنيا تحلالي
وعايش بوهالي
يحبوك عايش بوهالي
وعايش بوهالي
يحبوك عايش بوهالي
Written by: Balti, Hbibzgang
