Зизалг

БIайхач малхо гIанаш докъадаь зизалг дагIар гIайгIа еш..

Зизо йора вахар уйла,йода къона ха дагар еш..

Хьежар сигал из сатувсаш,ираз лехар шийна цо..

ТIадам миссел безам хилча хьестадар из вахаро..

Даьссач дегац барта боацаш,юдар зиза къона ха..

Эшар дега цIена безам,яккхалора хьогал дIа..

Кхайкар зиза сийрдач малхаг,моархаш сигал лахка хьа..

Делхийталахь мелла догIа,дахьаш беркат хоза хьа..

Ана юхе къайла баьнна малхо моархаш никъ битар,

мерза керда безам бахьаш сиглар догIа Iадессар..

Дилхар-дилхар ахкан догIа зиза гIанаш лувчадеш,

мела хьекхач михий оазац керара дог ловзадеш

БIайхач малхо гIанаш докъадаь зизалг дагIар гIайгIа еш,

зизо йора вахар уйла,йода къон ха дагар еш..

Баркал хьона малха догIа дог са паргIат даккхара,

баркал хьона дега везар безамца дог хьастарах..