Миҙгелдәр

Миҙгелдәрҙе һағынып көтәбеҙ

Ә ғүмерҙәр һиҙелмәй үтә

Йөрәктәрҙе әрнетеп өтөп

Кемдәрҙер мәңгелеккә китә

Яҡты донъяларға бер тыуғас

Йәшәргә ине туйғансы

Яҡты донъяларҙан кем туйған

Йәшәт ,Хоҙай, 100-гә еткәнсе

Тәҡдирҙәр яҙылған маңлайға

Урап үтеп булмай яҙмышты

Бәхет өсөн ергә тыуғанбыҙ

Гөлгә күмер өсөн тормошто

Барыр юлыбыҙ яҡты булһын

Бөтмәһен донъя мәшәҡәте

Иҫән-һау булғанда туғандар

Йәшәүләрҙең шунда рәхәте