Аҙашырға Ине

Көтмәгәндә яҙмыш осраштырҙы

Ап-аҡ ҡарҙар яуған урамда

Һинең менән икәү тағы бергә

Аҙашырға ине буранда

 

Төштәремдә күрәм һине һаман

Һис онота алмам үткәнде

Һағыштарым күмеп күңелемде

Белһәң ине өҙөлөп көткәнде

  

Айлы ғына төндә юлға сығып

Күҙҙәреңдең тоймай талғанын

Көтәм белмәйенсә бурандарҙы

Юлдарыма көрттәр һалғанын

Төштәремдә күрәм һине һаман

Һис онота алмам үткәнде

Һағыштарым күмеп күңелемде

Белһәң ине өҙөлөп көткәнде

Ҡабатланмаҫ тәүге осрашыуҙар

Аҙашһаҡ та ҡабат бурандарҙа

Ҡултыҡлашып уҙа башҡа парҙар

Аҡ йондоҙҙар яуған урамда