櫻木花道喺邊度

你試過幾多挑戰 你有過幾次驚險 從前看著你力拼的一個個畫面 熱血灌溉淚腺 令我鬥志燃點 來到目前 櫻木你喺邊 有否改變 櫻木花道你喺邊度 仲有冇搵 流川同仙道 仲有冇打波 打緊職業 定嗜好 你仲係咪嗰個 永遠唔肯認輸嘅癲佬 仲有冇夢想 如果有 你又有冇實現到 偶像 你放棄咗未 一直以嚟 我都以為 自己 似你 我掛住 嗰個時期嘅自己 嗰份自欺嘅稚氣 直到 最尾 佢哋 社會 同 屋企 教識我生存嘅真理 要任由歪理去屈你 面對不義要不理 放低骨氣理得你 原來 熱血 到收尾 只不過係場 骨痹 嘅馬騮戲 我都冇嬲你 我想飛 fadeaway 飛唔出呢片土地 想逃避 我唔係你 我唔係秘密武器 俾你射夠二萬個罰球好未 你仲夠膽死同我講付出同結果係成正比 我識搶籃板 過唔到難關 人生路唔係球場地板咁平坦 你衰咗最多咪 五犯 離場 再玩 現實係 唔一樣 衰一樣 就冇得掹 再冇夢想 要追 我已經衰夠 追咗咁多年 先發現入樽係個詛咒 人生處處係對手 根本冇隊友 一世人咁多個考驗 唯有係自己一個搞掂 現實 入面 冇安西教練 或者湘北冇喺全國大賽出現 你只係我信咗咁多年 信錯嘅信念 櫻木 花道 再見 你試過幾多挑戰 你有過幾次驚險 從前看著你力拼的一個個畫面 熱血灌溉淚腺 令我鬥志燃點 來到目前 櫻木你喺邊 有否改變 櫻木花道好耐冇見 你仲有冇面出現 你呃咗我成個童年 你用熱血去催眠 我係天才 我係天才 我嘅未來 應該 要期待 後來闖過 追過 爽過 衰過 闖禍仲唔夠多 個世界叫返醒我 美夢 完結 銀行 存摺 幻想 幻滅 股票 賺蝕 做人嘅風格 保險去揣測 就係要選擇圓滑 遇到問題 唔提 唔睇 我係隻眼開隻眼閉 有入息就心息 唔好阻住搵食 諗起童年嘅壯舉 流過嘅汗水 我居然會笑我戇居 任由我去否定過去 我懷疑晴子去到最後都係冇做到你女友 懷疑你一早放棄咗籃球 放棄咗湘北嘅隊友 唔係點解NBA選秀 唔見有 日本選手 我唔會向你追究 我知只有 二次元至有 最美好嘅之後 你可唔可以帶埋我走 令我變返少年咁 少年jump少年jump 成場落後緊幾多分 有信心 翻到身 我有無限可能 可能係下一個Kobe Bryant 我幻想我件波衫升上天花度 全場觀眾嗌到 流川仙道 都羡慕 呢個傳奇駕到 你有份打造 多謝 櫻木 花道 你試過幾多挑戰 你有過幾次驚險 從前看著你力拼的一個個畫面 熱血灌溉淚腺 令我鬥志燃點 來到目前 櫻木你喺邊 有否改變