Батырлар Ұраны

Өзгелерден дара туған,

Өр намыстан жаратылған.

Бабасының Батырлығы,

Қанмен бойға таратылды.

Алатаудай Алашымның,

Қара таудай Баласымын!

Қастерлі Алашымның,

Қорғаймын бар асылын.

Намысын қолдан бермес,

Қазақтың баласымын!

Сом білекпен,

Өр жүрекпен,

Намыс туын желбіреткен.

Белдескеннің белін үзіп,

Егесеннің еңіреткен.

Алатаудай Алашымның,

Қайтпас қайсар баласымын!

Қастерлі Алашымның,

Қорғаймын бар асылын.

Хай-дигидай, дигайдай-дай үй-де,

Намысын қолдан бермес,

Намысын қолдан бермес,

Қазақтың баласымын!