នែ ! អាប្អូនពៅ

I.នែ !វើយ នែ !អាប្អូនពៅ បើគិតៗទៅយើងអភ័ព្វណាស់ មុខឡើងកញ្ចាស់ៗ មិនទាន់មានសោះអ្នកបានប្រពន្ធ បងនេះអាយុជាងសែ អាឯងនេះទើបអើយសាមបួន ឥឡូវចង់បានប្រពន្ធ មិនដឹងទៅគន់រកកន្លែងណា ហាអឺៗៗ ហាអើយ… ព្រោះស្រីភូមិយើងគេការអស់ហើយ

II.នែ !ៗៗ ណាបងប្រុស បងឯងគិតខុសពីរឿងខ្ញុំទេ ពិតមែនតែយើងទំនេរ ប៉ុន្តែខ្ញុំនេះថាមិនដូចបងឡើយ ប្អូនបងក៏ទើបរៀនចប់ ថាឥឡូវមានភ័ព្វបានសង្សារហើយ ចាំមើលតែដល់ខែក្រោយ ខ្ញុំឱ្យម៉ែចូលស្តីការឆាប់ៗ ហាអឺៗៗ ហាអើយ… បងឯងត្រៀមស្តាប់ភ្លេងការខ្ញុំទៅ

III.យីអាប្អូនកំហូច អាឯងនេះខូចមិនដឹងខ្លួនទេ បងខំតែនៅទំនេរ មិនទាន់មានស្នេហ៍ព្រោះអាណិតប្អូនពៅ ស្រាប់តែវាលេងមួយក្បាច់ ស្ទើរនឹងប្រកាច់សន្លប់ឆៅៗ បងខំអាណិតប្អូនពៅ ឥឡូវវាថាជិតបានការហើយ ហាអឺៗៗ ហាអឺយ… ឥឡូវស្តាយក្រោយវាការមុនហើយ

IV.នែ !ៗៗៗ ណាបងប្រុសអាពៅសុំទោសថាអាបងកុំខឹង ភ័យអីអារឿងប៉ុណ្ណឹង ថាមិនបាច់មកខឹងអាប្អូនពៅឡើយ ចាំមើលថ្ងៃភ្ជាប់ពាក្យខ្ញុំ ក្រមុំច្រើនណាស់ចាំប្អូនរើសឱ្យ រង់ចាំតែការខ្ញុំហើយ បងអ្ហើយដល់វេនញុំាការបងម្តង....ហាអើៗៗ អើយ.... ចាំប្អូនពៅចងបៀរបងដប់កេស