Şşş...
Ev çi deng e, min diêşîne
Ev çi deng e, min ker dike
Bêbêhn e, bêhîs e
Lê min diêşîne
Carna jî sist dike
Dev ji min berdin birînên xewnan
Ditirsim razim
Da ku tu yê bikevî xewna min
Xwê nerijîne li ser birînê
Min ê ji ku bizanibûya ku
Te hevrêtî bi kulîyekî berfê re
Ku nedixwest biketa rûyê erdê û biheliya kirîye
Wîze wîza bager e
De vexwirkekê pêşkêşê xwe bike, lê
De bila şirîna vexwirkê be, keçê ay
Şşş...
Qey tijî dike, şirîna vexwirkê ye...
