Stilla chjara (feat. Marcello Cirillo)

Figghjola chi ti meri sa tuvagghja

Vorria mu sacciu di cu siti figghja

'Ndaviti a caminata di 'na quagghja

Quandu camini lu me cori s'assuttigghja

Quandu camini lu me cori s'assuttigghja

E a menzu u mari c'è 'na villa nova

Li turchi si la jocanu a primera

Ja dintra 'ncesti 'na bella figghjola

Di nomu ca si chiama Stilla Chjara

Di nomu ca si chiama Stilla Chjara

E 'nta sta notti 'i luna balla 'na bella figghjola

E danza cu lu ventu comu l'unda di lu mari

E danza cu lu ventu comu l'unda di lu mari

E porta li capiddi a la spagnola

E si li rivota a la palermitana

Lu sai chi ti manca, bella, u si regina

Lu stemma d'oru e la sacra curuna

Lu stemma d'oru e la sacra curuna

Aquila di Palermu oi chi splenduri

E bella di li setti cantuneri

Quandu nescisti tui nesciu lu suli

Nesciru novi raggi e deci sferi

Nesciru novi raggi, bella, e deci sferi

Eu a li pedi toi vorria danzari

D'oru e d'argentu li 'mprigna e li soli

Bella tu si la grasta, bella, ed eu lu hjuri

Regina resti tui di me' penzeri

Regina resti tui, bella, di me' penzeri

E 'nta sta notti 'i luna balla 'na bella figghjola

E danza cu lu ventu comu l'unda di lu mari

E danza cu lu ventu comu l'unda di lu mari

Sona la menza notti e mi 'ndi vaju

L'occhji li dassu a tia ed eu nun viju

Vaju allu lettu e riposu non aju

Sperandu mi fa jornu, bella, mu ti viju

Sperandu mi fa jornu, bella, mu ti viju

Puru la serpi 'ndavi lu riggettu

Ma lu meu amuri non riggetta mai

Tutta la notti mi levu e m'assettu

E u sonnu all'occhji mei non scindi mai

E u sonnu all'occhji mei, bella, non scindi mai

E 'nta sta notti 'i luna balla 'na bella figghjola

E danza cu lu ventu comu l'unda di lu mari

E danza cu lu ventu comu l'unda di lu mari

Stu 'ranu pari bellu oi di luntanu

Ma di vicinu è 'na culonna d'oru

Ma di vicinu è 'na culonna d'oru

Mamma si non mi 'nzuru eu mi la tagghju

Sutta lu focarillu, bella, mi l'appendu

Sutta lu focarillu, bella, mi l'appendu

E 'nta sta notti 'i luna balla 'na bella figghjola

E danza cu lu ventu comu l'unda di lu mari

E danza cu lu ventu comu l'unda di lu mari