Нигә мин ялгыз?

Офыкта ал шәфәкъ сузылган,

Кабынган күктә тәүге йолдыз.

Кемнәрдер кайталар серләшеп,

Ай карый аларга көнләшеп,

Нигә соң бер мин генә ялгыз?

Бирешмә, сабыр булчы диеп

Эндәшә күк айдан Зөһрә-кыз,

Талларда сайрый бер сандугач,

Янында сөйгән яры булгач,

Нигә соң бер мин генә ялгыз?

Офыкта ал шәфәкъ сузылган,

Кабынган күктә тәүге йолдыз,

Кичке тынлыкка чумган йортлар,

Киң урамнарда яна утлар,

Нигә соң бер мин генә ялгыз?

Нигә соң бер мин генә ялгыз?

Нигә соң бер мин генә ялгыз?