กินข้าวนำกันเด้ออ้าย

มากินข้าวนำกันเด้อ..อ้าย

หน่อไม้วัยรุ่นตัดอุ่นๆ จากกอข้างสระ

ผักกะแงงนากับย่านางทั้งปลาแดกนัว

ข้าวเบือลงตื่มพร้อมเห็ดขอนแล้วคนให้ทั่ว

แกงจากครัวเถียงนาโคกป่ากุง

ตำบักหุ่งใส่ปูดองและปลาแดกต่วง

มื้อนี่เพิ่นควงปิ้งปลาดุกปิ้งกบลงพุง

แต่งใส่พาข้าวพี่น้องเฮาพ่อแม่ป้าลุง

ของกินบ้านทุ่งปรุงใหม่ๆ คิดฮอดอ้ายกะยังว่า

กดเบอร์โทรหาว่ามาเด้อกินข้าว

ของกินบ้านเฮาที่อ้ายเคยมักตอนที่อยู่นา

อยู่ กทม.ได้หยังกินน้อยามอ้ายเมื่อยล้า

มากินข้าวป่าอยู่เถียงนานำกันเด้อ..

มากินข้าวนำกันเด้อ ตำบักหุ่ง แซ่บแซ่บ

ถ่าอยู่เด้ออ้ายว่างยามใดช่วยโทรส่งข่าว

พี่น้องบ้านเฮาสิจัดหาถ่าอ้ายเสมอ

แกงเห็ดถามหาปิ้งปลาดุกนาก็ยังอยากเจอ

น้องเป็นห่วงเด้อเดี๋ยวสิกินตำบักหุ่งเผื่อ

กดเบอร์โทรหาว่ามาเด้อกินข้าว

ของกินบ้านเฮาที่อ้ายเคยมักตอนที่อยู่นา

อยู่ กทม.ได้หยังกินน้อยามอ้ายเมื่อยล้า

มากินข้าวป่าอยู่เถียงนานำกันเด้อ..

ถ่าอยู่เด้ออ้ายว่างยามใดช่วยโทรส่งข่าว

พี่น้องบ้านเฮาสิจัดหาถ่าอ้ายเสมอ

แกงเห็ดถามหาปิ้งปลาดุกนาก็ยังอยากเจอ

น้องเป็นห่วงเด้อเดี๋ยวสิกินตำบักหุ่งเผื่อ