Verbum incarnatum

Verbum incarnatum

cruce conclamatum,

vera vitis, ave pacis hostia,

agnus mitis mundi tollens vitia.

Quod verbum hodie

in altari tractatur.

Tu es rex, Christe,

omnium consecrator,

qui nos ut salvificares

ex virgine tu natus es.

Det ergo spiritus tui gratia 

hujus solemnitatis per solatia.

Cordis nostri tripudium,

omne in te refugium,

ut verbum insigne 

canamus te digne.

Hujus post finem vitae

nobis largire rite 

cum sanctis tuis clare 

caeli regnum intrare

in quo exsultent omnes sancti.

Amen.