Ончал яндар каваш

Каваштат кычальым тудым, эр шӱдыр лийын

Тора кугорныш ятыр коштым, но возо покшым

Мардеж почеш мыняр гана мый савырналын тольым

Тораште мурышо ир кайыкым вел кольым

Ойлат, курыкыш кӱзен, ужаш ок лий тудым

Ойлат, вӱдыштӧ йоген, шижаш ок лий тудым

Арам тошкен коштам мо илышемын олык шудым

Тул гоч эртет гынат, муаш ок лий тудым

Шӱмыштем кычалынам, шып шинча – ойлат мылам

Кайык мурым колынам – но кӧлан мурен-ала?

Кушто муаш тиде юзо шижмашым?

Кӧ мылам гын каласа?

Вуйышто, ушышто, мурышто – шып, тып

Ончал яндар каваш! – Шоненам каваштат мый муаш

Могай тӱня йырваш! – Молан мардеж лийын пӧрдаш?

Кӧн чонышто сандалык гай кугу шижмаш – Ила йӧратымаш

Ончал яндар каваш

Вашталта лай кумылнам, мондыкта мотор тӱням

Шӱм гыч телым чактара, чон гыч шӱлыкым покта

Муым вашмутым, тарватыш шӱм лукым

Тудын юзо мурыжат

Шӱмыштӧ, чонышто, мурышто – лай, сай

Кунам ты ю шижмаш толеш

Айдеме, маныт, вашталтеш

Шӱм-чон гыч кораҥда ир телым

Шулыктара ош ийым, нелым

Осал гыч порымат ышта

Тулшолым, маныт, ылыжта

Каваш шумеш кертеш нӧлталын

Илаш муралын