Stabat Mater

Stabat Mater dolorosa

iuxta crucem lacrimosa,

dum pendebat Filius.

Eia Mater, fons amoris,

me sentire vim doloris

fac, ut tecum lugeam.

Fac ut ardeat cor meum

in amando Christum Deum,

ut sibi complaceam.

Fac me plagis vulnerari

cruce hac inebriari

ob amorem Filii.

Inflammatus et accensus

per te, Virgo, sim defensus

in die iudiciii.

Fac me cruce custodiri

morte Christi praemuniri

confoveri gratia.

Quando corpus morietur

fac ut animae donetur

Paradisi gloria. Amen.