បែបមិនស្រួលក្នុង

ហ៎! ចាំអីទៀត ម៉េចមិនច្រៀងទៅអ្នកនាង?

ហ៊ឺម! មិនដឹងច្រៀងបទអីផង

អឺម! ច្រៀងបទអីក៏បានដែរ ច្រៀងទៅៗ

កង្កែបលោតលើមាត់បឹង

(លើមាត់បឹងៗ)

ត្រីខ្ជឹងប្រឹងខ្ជឹបផ្កាស្នោ

(ខ្ជឹបផ្កាស្នោៗ)

ត្រីផ្ទក់មកទក់ត្រីឆ្ដោ

ត្រីស្លាតភ័យស្លោ

ឆោឡោផ្អើលត្រីសណ្តាយ អ៊ូយ!ៗ

ត្រីឆ្លូញ ត្រីឆ្លាំងសែនឆ្លាត

(ឆ្លាំងសែនឆ្លាតៗ)

ឆែកកាតតែត្រីពោះម៉ាយ

(ត្រីពោះម៉ាយៗ)

ព្រលូងក្បែរមាត់ប្រឡាយ អ៊ូយ!

ត្រីក្រោះក្រាញ់ក្រាយ

សប្បាយគ្មានភ័យពីអ្វី...

អីយ៊ូយ! អីយ៊ូយ! ឈឺពោះ អ៊ូយ!

ច្រៀងលែងពីរោះហើយថ្លៃ អ៊ូយ!

នាងច្រៀងពីរោះសឹងអី

ច្រៀងទៀតទៅណាចរណៃ

រាត្រីនេះយើងសប្បាយ

ប្រុសៗប្រៀបដូចជាត្រី

(ដូចជាត្រីៗ)

ស្រីៗប្រៀបដូចប្រឡាយ

(ដូចប្រឡាយៗ)

ត្រីហែលចូលមិនចេះណាយ

ទោះឆ្តោ សណ្តាយ

មិនណាយ នឹងរកទឹកថ្មី អ៊ូយ!ៗ

ប្រុសខ្លះចាស់ហើយនៅព្រើល

(ចាស់នៅព្រើលៗ)

ងងើលឱ្យតែឃើញស្រី

(ឃើញស្រីៗ)

ខ្លះទៀតចង់បានពីរបី

ចោលចាស់យកថ្មី

ដូចជាដំរីចុះប្រេង អ៊ូយ!

ឰយ៉ះ! បែបមិនស្រួលក្នុង អ៊ូយ!ៗ

លាន់ឮក្ដុងៗដូចភ្លេង

ឈឺពោះស្ទើរតែវង្វេង

ទ្រាំទៅតាមកម្មពីព្រេង

នេះល្បិចកំប្លែងភ្លាត់ស្នៀត

រៀងហើយ ខ្ញុំរៀងចាលហើយ

(រៀងចាលហើយៗ)

ព្រះអឺយ! សូមកុំជួបទៀត

(កុំជួបទៀតៗ)

ខូចកេរ្តិ៍បង់ទាំងមារយាទ

ប្រុសៗមានស្នៀត

មារយាទល្អ តែចិត្តខ្មៅ

ប្រុសៗមានស្នៀត

មារយាទល្អ តែចិត្តខ្មៅ

ប្រុសៗមានស្នៀត

មារយាទល្អ តែចិត្តខ្មៅ អ៊ូយ!ៗ