Dindirmədi, ey dil, səni canan, əcəb oldu
Etdin nə qədər naləvü əfğan, əcəb oldu
Yüz dəfə dedim, vəsli təmənnasına düşmə
Yandırdı səni möhnəti hicran, əcəb oldu
Yandırdı səni möhnəti hicran, əcəb oldu
Gülüzlü gözəl yarın olub qeyri ilə həmdəm
Çıxsın gözün, olsun ciyərin qan, əcəb oldu
Ol zülfə könül vermə dedim, qoy desin aləm
İndi sənə divaneyi-dövran, əcəb oldu
İndi sənə divaneyi-dövran, əcəb oldu
Qoydun niyə ağyarı yaxın kuyinə yarın?
Cənnətdən uzaqlaşmadı şeytan, əcəb oldu
Yarım, elə bir dövrdə gəldik bu cahana
Bir gözdə göründü bütün insan, əcəb oldu
Bir gözdə göründü bütün insan, əcəb oldu
