無什麼代誌

行在時代的冷暖這條路　誰無不如意

哪通為過去的夢　苦苦來暗相思

緣份是流行浮雲　塊變化無法度照人意

不如就想想乎開　當作是看過一齣戲

趁著今夜將心酸放乎去　往事咱隨意

管汰伊別人的話　咱只要作自己

現實像霜風寒流　這一切無法度照天意

不如就想想乎開看乎破　攏嘛無所謂

有什麼厭氣　加斟乎澱澱　乾杯甲催落去

機會會來　過去會過去　坎坷是算什麼

無什麼代誌　咱攏是自己　歌聲來鬥支持

人生的可貴　正是因為咱　鬥陣的友誼