ม่วนเงินแม่

ขอโทษเด้อหล้า อย่าหาว่าอ้ายปากเป็น

ยามใด๋ได้เห็น ซุมเจ้าเล่นขีนตาแท้ๆ

เป็นสาวขึ้นใหม่ ใจมักเลาะเทียวขอเงินแม่

ถนัดแต่วิชาแบ ขอตังค์แม่เทกแคร์เจ้าของ

เต้นด๋อ เต้นด่อง ฉลองฮอดวันเกิดแมว

ม่วนคักแท้แหลว แนวเงินแม่ของ่ายใช้คล่อง

ซื้อบัตรเติมเงิน จ้างผู้บ่าวโทรหาเจ้าของ

แต่งตัวได้แชมป์เหรียญทอง แต่การเรียนเทียวแต่แก้ ร.

ม่วนแท้น้อ...ผู้สาวมักเลาะสวยเข้ม

เห็นแม่เป็น เอ.ที.เอ็ม. หิวเป็นกดตังค์หมดเป็นขอ

เงินแต่ละบาท คือเหงื่อทุกหยาดของแม่ฮู้บ่

ก่อนเจ้าสิแบมือขอ คึดเห็นบ่น้อความทุกข์ของแม่

เซาเลาะสาหล้า อ้ายว่ายังบ่ทันสาย

หายังบ่ได้ อย่าฟ้าวจ่ายเก่งหลายเด้อแหล่

คึดให้ครบถ้วน ก่อนสิพากันม่วนเงินแม่

รายจ่ายโจ๋ๆ ไว้แน หลูโตนพ่อแม่ซั่นดอก..อ้ายว่า