جوي وأجوائي

انته جوي وأجوائي

وشي من اثمن اشيائي

عيوني المايشوفنك

صدگ مالهن داعي

انت لضحكتي وحلمي

انت المصدر الرسمي

مثل الكُرّيات البيض

حبك عايش بدمي

كوني انّفي عن عالمي وعن ناسي كلهم

وابحضنك استوطن بعد ما ارجعلهم

كون اختفي عن البشر وبحضنك اسكّن

وعن كلشي يمي اصرف نظر وبوجهك اصفن

****

انتَ بمختصر ( اني )

انتَ عوض ربّاني

عينَك من تجي بعيني

تاخذني لعالم ثاني

صوتك طاقه ينطيني

وحده بس يهديني

اصعب شي يواجهني

يخلص من تحاجيني

حبي الك ماينتهي بنقطة نهاية

كلما أشوفك يبتدي من البدايه

اول قَدر واخر قدر انت بحياتي

وصارت ضحكتك عندي من اقوى امنياتي